“Gazteak Hegoaren bila” lehiaketaren 5. ekitaldiaren gai nagusia OSASUN ESKUBIDEA izan zen, “Osasun publiko eta unibertsalaren alde. Inequidades en el acceso a la salud” proiektuaren barruan kokatuta. Lehiaketaren 5. ekitaldi honetan, guztira, 328 pertsonak parte hartu zuten (82 taldek eman zuten izena).

5. edizioa nola izan zen jakin nahi al duzu? lehiaketaren webgunea, parte-hartzaileak, irabazleak, albisteak, eta argazkiak ikusteko,  hurrengo estekara jo:

“Gazteak Hegoaren bila” lehiaketaren 4. edizioaren gai nagusia SEXU ETA UGALKETA ESKUBIDEAK izan ziren, eta guztira, 328 pertsonak parte hartu zuten (82 taldek eman zuten izena).

Lehen proban, salaketako bineta bat osatu behar zen, Guatemalako emakume indigenek jasaten duten indarkeriaren aurka. Bigarren proban, Maitatzea ez da delitua goiburuarekin, aniztasunaren rapa sortzea proposatzen zen, sexu-aniztasunari buruz eta pertsona guztiek erabaki autonomo eta hertsadurarik gabekoak hartzeko duten eskubideari buruz, norberaren sexualitateari zein gorputzari dagokienez, sexu-joera, sexu- eta genero-nortasuna, bikotekidea aukeratzea eta sexu-jarduera horren barruan daudela. Hirugarren proban, Zuhur ibili, ez da jolasa izenburuz, taldeek bideo bat grabatu behar zuten, prebentzio-neurriak hartzea sustatzeko, sexu-transmisiozko infekzioen aurka. Azken proba Bilbon egin zen, eta kaleko ekintza bat izan zen. Parte-hartzaileak sexu- eta ugalketa-eskubideen heroi bilakatu ziren, halakotzat identifikatzeko moduko elementuak eramanez. Hainbat herritar anonimok ere parte harturik, mosaiko erraldoi bat osatu zuten. Sarien banaketa Hika Ateneon egin zen, azken ekitaldi gisa, eta Las Kapritxosas antzerki-taldearen emanaldia ere egon zen.

Talde irabazleko lau gazteek (LOS CHARANGUITOS, Vitoria-Gasteizkoak) Guatemalara joan ziren bidaian, 15 egunez, herrialde horretako errealitatea nahiz medicusmundik aurrera eramaten duen lankidetza-lana ezagutzeko.

Vídeos

Los Charanguitos laugarren ekitaldiko talde irabazleak eginiko bideoa, Guatemalan zirela. Han, medicusmundik sexu- eta ugalketa-eskubideen inguruan dauzkan proiektuak ezagutu zituzten.

“Gazteak Hegoaren bila” lehiaketara aurkezturiko bideo onenen laburpena: laugarren ekitaldiko hirugarren proba, sexu- eta ugalketa-eskubideei buruz.

Laburpen-bideoa: “Gazteak Hegoaren bila” lehiaketaren laugarren ekitaldiko laugarren proba eta sari-banaketaren ekitaldia, Bilbon.

Lehiaketaren ekitaldi hau malariaren aurkako STOP MALARIA NOW sentsibilizazio eta mobilizazioko kanpainaren barruan kokatu zen. Kanpaina horretan hainbat erakundek parte hartzen zuten, medicusmundi tartean zela.

60 taldek eman zuten izena, hau da, guztira 240 parte-hartzaile egon ziren.

Lehen proban, blog baterako sarrera/orri bat osatu behar zuten parte-hartzaileek, Ekuador sustatzeko eta herrialde horretan malariaren inguruan dagoen egoeraz sentsibilizatzeko. Bigarren proban, taldeek kontrairagarki bat egin behar zuten, herrialde txirotuetan funtsezko botikak eskuratzeko aukera-ezaren gaian oinarriturik. Hirugarren proban, irrati-iragarki bat grabatu behar zuten, Euskadiko herritarrak sentsibilizatzeko, malariarekin gertatzen ari denaz. Laugarren proba Donostian egin zen, eta altxor-bilaketa izan zen, Donostiako establezimenduetan zehar. Helburua zen dendetan behar adina oihal-txatal lortzea, eltxo-sare erraldoi bat egiteko, parte-hartzaile talde guztien artean lankidetzan.

LO MEJOR DE CADA CASA Bizkaiko taldea izan zen irabazlea, eta haren saria Ekuadorrera bidaia bat egitea izan zen.

Lehiaketaren ekitaldi honetan, gai nagusia ANDEETAKO HERRIALDEAK ezagutzea izan zen.

Aurrekoetan bezala, parte hartu zuten taldeek (36 talde, hots, 144 pertsona) hiru proba egin behar izan zituzten, eta bukaerako kaleko ekintza bat, azken hori Vitoria-Gasteizen. Lehen proban, postal bat prestatu behar izan zuten, Andeetatik gizon-emakumeen onurarako atera diren ekarpen interesgarrienak islatzeko. Bigarren proban, kontakizun bat idatzi behar zen, Milurtekoko Helburuetako bat gai hartuta. Hirugarren proban, taldeek lankidetza-jolas bat diseinatu behar zuten. Laugarren proba eta azken jaia izan zen ekitaldia Vitoria-Gasteizen egin zen, eta “irribarreak harrapatzeko gerra” bat izan zen.

Azken saria Donostiako lau gaztek osaturiko taldeak Perura 15 eguneko bidaia egitea izan zen. Han, medicusmundik parte hartzen dituen garapenerako proiektuak ezagutu zituzten.

“Gazteak Hegoaren bila” lehiaketak Euskadin izan zuen lehen ekitaldian (lehenago Nafarroan egin zen, medicusmundi nafarroaren eskutik) bi helburu ezarri ziren, HEGOALDEKO HERRIEN ERREALITATEA ezagutzea, batetik, eta sormen-lana eta talde-lana sustatzea, bestetik.

Guztira, 264 gaztek eman zuten izena, 66 taldetan.

Lehen proban, aurreneko kolonizatzaileekin topo egin berri duten bi pertsona indigenen (edo gehiagoren) arteko elkarrizketa idatzi behar zen. Bigarren proban, parte-hartzaileek publizitate-kanpaina bat prestatu behar zuten, gure gizartea medikamentu generikoak kontsumitzera gonbidatzeko. Hirugarren proban, lehiakideek hondurastar sukaldaritza berriko menu bat osatu behar zuten, Erdialdeko Amerikako arroz-babarrunen plater tipikoa, banana, eta herrialdeko beste produktu batzuk erreferentziatzat harturik. Laugarren eta azken proba Bilbon egin zen: taldeek material birziklatuz eginiko jantziren bat soinean agertu behar zuten.

Talde irabazleak, LAS TITIS izenez, Hondurasera bidaia egitea lortu zuen saritzat.

Desarrollado por LaBox Marketing y Comunicación